POU ELÈV NOU YO

Pwofesè, Responsab

lekòl ak òganizasyon nan sektè edikasyon, 

 

ⒶⒷⒸ se yon pwogram edikasyon ak akonpayman vokasyonèl pou elèv NS4, NS3, NS2 ak paran yo. Definisyon ⒶⒷⒸ se : « Ⓐprè Ⓑakaloreya,Ⓒhwazi ». Pwogram sa a gen 2 vèsyon : yon vèsyon pou elèv (anliy), yon vèsyon pou paran (fasafas). 

​

Vèsyon ki fèt pou elèv yo ap ede chak jèn pwojte tèt li, vize pwofesyon ki nan gou l, ki pi bon pou li, epi chwazi fòmasyon inivèsitè oubyen pwofesyonèl k ap kalifye l pou egzèse pwofesyon li reve a. L'ap aprann konnen tèt li pi byen, konnen fason ekonomi an ak kò pwofesyonèl yo fonksyone, konnen domèn ak kagori fòmasyon yo, konnen opòtinite ki sou wout li, anrapò ak gwo chanjman teknolojik ak ekonomik k ap boulvèse mond la. 

 

Vèsyon ki fèt pou paran yo ap devlope konesans pratik responsab fanmiy yo pou yo kapab ede pitit yo trase chimen yo aprè etid segondè epi reyalize rèv yo. Pwogram sa a ap bay paran yo konesans sou konpòtman moun ak fason moun aprann, pou yo ka rive konnen pitit yo pi byen epi konprann sa ki atire yo kòm metye, sa ki vokasyon yo nan lavi a. Paran yo ap resevwa anpil zouti ak konpetans pou yo planifye epi konprann envestisman fanmi an nan fòmasyon ak karyè pitit yo aprè etid segondè...

 

Men kisa elèv yo ap jwenn andedan kou ⒶⒷⒸ a : 

1. Seyans kou anliy (atravè videyo, odyo, tèks)

2. Seyans akonpayman fasafas (rankont ak sikològ, konseye oryantasyon, paran, elatriye...)

 

Pou ⒶⒷⒸ ka byen ateri, pou l rive touche tout elèv, patisipasyon lekòl yo ak lòt aktè nan sektè edikasyon an enpòtan anpil.

​

Nou swete kolabore ak lekòl yo pou : 

1. mobilize elèv NS2, NS3 ak NS4 nan lekòl ou a + paran yo nan lide pou nou prezante yo pwogram nan. 

2. òganize seyans fasafas ak elèv + paran ki enskri nan pwogram nan, nan lide pou konplete seyans anliy yo epi kenbe men patisipan yo.

 

​Nou swete kolabore ak lòt kategori enstitisyon ak òganizasyon k ap travay nan domèn edikasyon yo pou : 

1. pèmèt pwogram nan touche plis elèv ak paran (pwomosyon, rezotaj, asistans teknik, lojistik, elatriye...)

2. mobilize finansman

 

Nou ta renmen w vin yon Patnè ⒶⒷⒸ pou nou ka bay jèn yo pi bon akonpayman nan ede jèn yo trase chimen aprè bakaloreya ! Avan w kontakte nou pou manifeste enterè w, ou ka fè yon kout je sou lòt ribrik yo. 

​

An nou travay ansanm !

Ekip ABC