KONNEN TÈREN AN POU W KA KONPRANN CHWA PITIT OU

Paran elèv nan peyi Dayiti,

​

Si pitit ou nan klas NS4, NS3 oubyen NS2, ou pap regrèt ou te li mesaj sa a.

​

Lavi paran se eksperyans ki gen alafwa plis pasyon ak plis eprèv. Prezans ou nan lavi pitit ou a se premye garanti l nan sosyete a, ou se premye temwen l sou chimen konesans, sou chimen vokasyon l; sa vle di ou gen nouvo defi k ap tann ou. Jounen jodi a, fason moun travay ap kontinye chanje akoz gwo transfòmasyon ki chita sou teknoloji, ekonomi, kalite ak katite moun ki kompoze popilasyon an. Pwofesyon, fòmasyon ak ensitisyon k ap fòme moun yo ap evolye, yo pran yon lòt dimansyon. Kòman w ka ede pitit ou a desine avni l epi pwojte tèt li ?  

​

Pou nou ka ede w atenn okjektif sa a, nou pote pou ou «ⒶⒷⒸ», yon pwogram edikasyon ak akonpayman vokasyonèl pou elèv ak paran yo. Definisyon ⒶⒷⒸ se : « Ⓐprè Ⓑakaloreya,Ⓒhwazi ». Pwogram sa a gen 2 vèsyon : yon vèsyon pou elèv (anliy), yon vèsyon pou paran (fasafas).

 

Vèsyon elèv la a se yon pwogram akonpayman vokasyonèl k ap ede pitit ou a pwojte tèt li, vize pwofesyon ki nan gou l, ki pi bon pou li, epi chwazi fòmasyon inivèsitè oubyen pwofesyonèl k ap kalifye l pou egzèse pwofesyon li reve a. L'ap aprann konnen tèt li pi byen, konnen fason ekonomi an ak kò pwofesyonèl yo fonksyone, konnen domèn ak kagori fòmasyon yo, konnen opòtinite ki sou wout li, anrapò ak gwo chanjman teknolojik ak ekonomik k ap boulvèse mond la. 

 

Vèsyon paran an se yon pwogram k'ap devlope konesans pratik ou pou w ka ede pitit ou trase chimen l aprè etid segondè l epi reyalize rèv li. Pwogram sa a ap ba w konesans sou konpòtman moun ak fason moun aprann, pou w ka rive konnen pitit ou pi byen epi konprann sa ki atire l kòm metye, sa ki vokasyon l nan lavi a. N ap ba w plis zouti ak konpetans pou w planifye epi konprann envestisman fanmi an nan fòmasyon ak karyè pitit ou aprè etid segondè l, elatriye...

​

Kidonk, nou envite w :

1. enskri nan pwogram ⒶⒷⒸ kòm paran 

2. pouse pitit ou enskri nan pwogram ⒶⒷⒸ kòm elèv

 

Avan enskripsyon an, ou ka vizite lòt paj yo pou w gen plis enfòmasyon sou pwogram nan. Lyen yo anba a👇. 

​

Ann vanse ansanm !

Ekip ABC