SA W DWE KENBE AN+...🤓

KI MWAYEN NOU ITILIZE POU ANSEYE EPI ECHANJE AVÈ W ? 

​

Nou itilize videyo, odyo ak tèks pou transmèt konesans yo. Kou a divize an 6 seksyon oubyen chapit. Chak seksyon oubyen chapit gen andedan l plizyè etap. Antou, gen anviwon 40 etap. Yon etap se yon seyans, sa vle di yon pati nan kou a ki devlope yon eleman konesans an patikilye; li ka pran fòm yon ekspoze, yon tès kesyon/repons oubyen yon egzèsis refleksyon. 

​

​

KI VALÈ TAN KOU A DIRE ?

 

Kou a fleksib. Sa vle di, li disponib anliy (sou Entènèt) chak jou Bondye mete, lajounen kou lanwit. Ou pa bezwen kraze kò w, w ap ka adapte orè w ak disponibilite w byen fasil. Ou ka rive boukle tout seyans anliy yo nan yon semèn si w travay omwen 45 minit chak jou (anviwon 5 etap chak jou). Ou ka rive fè l nan 2 semèn si w travay omwen 25 minit chak jou. Kidonk, ou ka avanse jan w pi pito l, san pèsòn pa ba w chalè🤫!  

​

​

EVALYASYON

 

Reyisit ou enpòtan pou nou. Nou pap kite w poukont ou pandan w ap swiv kou a. Se poutèt sa, aprè chak etap, nou teste konesans ou atravè kesyonè, rezime istwa pèsonèl ak egzèsis refleksyon. Aktivite sa a yo ap ede w devlope kapasite pou pwojte tèt ou, fè bon rezònman, konprann mond lan, fè rechèch epi analize enfòmasyon pou w kapab idantifye vrè opòtinite, pou w kapab deside epi fè bon chwa pou avni w. Lè w fin konplete tout etap yo, w ap resevwa yon sètifika📜🎓🤩.

​

​

AKONPAYMAN

​

Gras ak Forum ABC, w ap ka echanje ak lòt elèv, epi, sa ki pi enpòtan, w ap rankontre sikològ lòt espesyalis nan akonpayman pou oryantasyon pwofesyonè🚨💡.